Welcome to www.manakamareddy.com
Computer Tips and TricksLatest Tips And TricksComputer Tricks

Saturday, May 21, 2016

Mana Kamareddy

చివరి అంకానికి చేరుకున్న కొత్త జిల్లాల ప్రక్రియ..!


తెలంగాణ రాష్ట్ర ఆవిర్భావ దినోత్సవమైన జూన్ రెండున కొత్త జిల్లాలను ప్రకటించాలన్న ముఖ్యమంత్రి కే చంద్రశేఖర్‌రావు నిర్ణయానికి అనుగుణంగా రాష్ట్రంలో జిల్లాల పునర్విభజన, కొత్త జిల్లాల ఏర్పాటుకు కసరత్తు చురుకుగా సాగుతున్నది. ఇప్పటిదాకా దాదాపు 21 కొత్త జిల్లాలపై స్పష్టతకు వచ్చినట్టు సమాచారం. మూడు, నాలుగింటిపై ఇంకా చర్చలు జరుగుతున్నాయి. ప్రఖ్యాత పుణ్యక్షేత్రం యాదాద్రిని ఏ జిల్లా పరిధిలోకి తేవాలన్న విషయంలో తర్జనభర్జనలు కొనసాగుతున్నట్టు అధికారవర్గాలు చెప్తున్నాయి. జిల్లా స్వరూపం ఎలా ఉండాలన్నదానిపైనా స్పష్టమైన విధానంతో రాష్ట్ర ప్రభుత్వం ముందుకు సాగుతున్నట్టు సమాచారం. ఒక్కో జిల్లా 60-70 కిలోమీటర్ల వైశాల్యం మించకుండా ఏర్పాటు చేయాలని ప్రభుత్వం భావిస్తున్నదని తెలిసింది. 

కొత్త జిల్లాల ఏర్పాటుపై ముఖ్యమంత్రి కేసీఆర్ ప్రత్యేక శ్రద్ధ చూపిస్తున్నారు. మంత్రులు, ఎమ్మెల్యేలు, వివిధ జిల్లాలకు చెందిన ప్రజాప్రతినిధులు, అధికారులతో వీలు దొరికినప్పుడల్లా కొత్త జిల్లాల కూర్పుపైనే సీఎం ప్రత్యేకంగా చర్చిస్తున్నారని అధికారులు పేర్కొంటున్నారు. ఇదే క్రమంలో గురువారం రాత్రి కూడా సీనియర్ అధికారులతో దాదాపు మూడు గంటలకుపైగా సీఎం చర్చించినట్లు సమాచారం. అధికారులు క్రోడీకరించిన అంశాలు, సీఎం కేసీఆర్ ఇప్పటికే సేకరించి తన వద్ద పెట్టుకున్న సమాచారం ఆధారంగా దాదాపు 21 జిల్లాలపై స్పష్టతకు వచ్చినట్టు తెలిసింది. 
విశ్వసనీయ సమాచారం ప్రకారం ఆదిలాబాద్, నిజామాబాద్, ఖమ్మం, నల్లగొండలను రెండేసి జిల్లాలుగా, మెదక్, మహబూబ్‌నగర్, వరంగల్, కరీంనగర్‌లను మూడేసి జిల్లాలుగా ఏర్పాటుచేయడంతోపాటు వికారాబాద్ కేంద్రంగా రంగారెడ్డి జిల్లాను ఏర్పాటు చేయాలన్న నిర్ణయానికి ప్రభుత్వం వచ్చినట్లు తెలిసింది.



Subscribe to this Mana Kamareddy Portal via Email :